د ځوانانو له وړيا ښوونیز مرکز څخه ۴۰ تنه فارغ شول
د لغمان ولايت د اطلاعاتو او کلتور رياست د ځوانانو چارو آمريت اړوند وړيا ښوونيز مرکز څخه ۴۰ تنه ځوانان د کمپيوټر برخه کې له درې مياشتنیو زده کړو وروسته فارغ شول.
د اطلاعاتو او کلتور رئیس مولوي عبدالنور رسولي فارغ شويو زده کوونکو ته مبارکي وویله او زياته يې کړه؛ د اطلاعاتو او کلتور ریاست د ځوانانو د روزنې په موخه دغه تعلیمي مرکز جوړ کړی، چې د کمپیوتر، انګلیسي ژبې او خطاطۍ برخو کې په وړیا ډول پکښې ځوانان روزل کېږي، د لغمان ځوانان باید له فرصتونو څخه ګټه پورته کړي او دغه تعلیمي مرکز کې دې زده کړې ترلاسه کړي.
د يادونې وړ ده، چې فارغ شوي ځوانانو ته د اطلاعاتو او کلتور رياست له لوري بري ليکونه هم ووېشل شول.
۱۴۴۶/۶/۸ هـ ق
۱۴۰۳/۹/۲۰ هـ ل
