محمدطاهرزهیر: افغانستان د ټولوافغانانو ګډ کوردی
د اطلاعاتو او فرهنګ وزارت سرپرست او نوماند وزیر د ترکمنو له یو شمېر مشرانو او ځوانانو سره وکتل.
په دې کتنه کې د ترکمنو مشرانو د اطلاعاتو او فرهنګ وزارت په مرکزي او ولایتي دفترونو کې د یو شمېر ترکمني ځوانانو د جذب او د ترکمني ژبې او ادبیاتو د پرمختګ په اړه خبرې وکړې.
وروسته د اطلاعاتو او فرهنګ وزارت سرپرست او نوماند وزیر محمد طاهر زهیر خبرې وکړې او ویې ویل چې ترکمنان د افغانستان ویاړ دی او د تاریخ په اوږدو کې یې د ملت او هېواد لپاره په بېلابېلو برخو کې ویاړونه ګټلي دي.
همدارنګه محمدطاهر زهیر په اطلاعاتو اوفرهنګ وزارت کې د ترکمنو د کادرونو د جذب په برخه کې د هراړخیزې همکارۍ ډاډ ورکړ.
کابل/ د وږي ۱۹مه/ باختر
