هلمند کې خبریالانو ته د ظرفیت لوړونې په موخه جوړ شوی سيمینار پای ته ورسېد
تېره ورځ د هلمند ولایت د اطلاعاتو او کلتور ریاست اړوند د باختر خبري آژانس خبریالانو ته د ظرفيت لوړونې په موخه جوړ شوی درې ورځنی سيمینار پای ته ورسېد.
یاد سيمینار په عملي او نظري ډول خبریالانو ته د مسلکي پیاوړتیا په موخه په معیاري توګه وړاندې شو تر څو خبریالان په خپلو کارونو کې له ستونزو سره مخ نه شي.
د سمینار په اړه د باختر خبري آژانس مدیر محمد الله اماني وویل: یاد سمینار خبریالانو ته دظرفیت لوړوني لپاره زیات ګټور وو او د خبریالانو زیاتي ستونزې پکې حل شوې، موږ به خپلو خبریالانو ته د ظرفیت لوړوني په موخه دې ته ورته نور سمینارونه هم جوړکړو ترڅو خبریالان خپل کارونه لا منظم او مسلکي کړي.
۱۴۴۵/۶/۲۰ هـ ق
۱۴۰۲/۱۰/۱۲ هـ ش
