پکتیا کې د امارت پېژندنې کتاب څخه اخیستل شوې ازموینې پایلې اعلان شوې
نن پنجشنبه د پکتیا ولایت اطلاعاتو او کلتور ریاست د غونډو په تالار کې د پوهنې ریاست لخوا له ښوونکو د امارت پېژندنې کتاب څخه د اخیستل شوې ازموینې پایلې اعلان شوې.
دغه ازموینه د پکتیا مرکز اړوند د بېلا بېلو خصوصي او حکومتي لېسو له ۴۵ تنو ښوونکو څخه اخیستل شوې وه، چې له ډلې یې ۱۵ بریالي ښوونکي په ډالیو وستایل شول.
رحیم الله کوثر یو تن ښوونکی، چې په اخیستل شوې ازموینه کې یې لومړی مقام خپل کړی و. په دې اړه وایي، دغه سیالي چې د پوهنې ریاست له لوري جوړه شوې وه، ازموینه یې پوره شفافه وه او موږ د امارت پېژندنې کتاب څخه د خلکو په غوښتنه د اسلامي امارت د دواړو دورو پیل، د شریعت له اړخه د عقلي او نقلي دلایلو او اړتیا په بنسټ د امارت رامنځته کیدو په تړاو پوره معلومات تر لاسه کړل.
هغه وایي اړتیا ده، چې د ښوونکو او ځوانانو لپاره د فکري روزنې ورته سیالۍ برابرې شي څو له عقلي او نقلي لارې د هېواد او دین ساتونکي واوسي.
۱۴۴۵/۳/۶ هـ ق
۱۴۰۲/۶/۳۰ هـ ش
