پکتیا کې د نویو فعاله کېدونکو غږیزو رسنیو له مسؤلینو د همغږۍ ناسته وشوه
د پکتیا اطلاعاتو او کلتور ریاست مسؤلینو د نویو فعاله کېدونکو غږیزو رسنیو له مسؤلینو سره د همغږۍ ناسته وکړه.
د اطلاعاتو او کلتور ریاست مسؤلینو د یادو رسنیو د فعالېدو پر اقدام خوښي څرګنده کړه او ویې ویل: په ټولنه کې د رسنیو زیاتوالی، د ولس او حکومت ترمنځ د اړیکو د لا پياوړتیا په برخه کې تر ټولو ښه وسیله کېدای شي، رسنۍ باید د اسلامي امارت پالیسۍ په پام کې نیولو سره د منکراتو مخنیوي ترڅنګ غوره اصلاحي خپرونې وړاندې کړي.
دغه راز د رسنیو مسوولینو ډاډ څرګند کړ، چې د اسلامي امارت پالیسۍ او اسلامي او کلتوري ارزښتونو ته په پوره ژمنتیا به خپل رسنیزې چارې ترسره کوي.
۱۴۴۷/۱۰/۱۹ هـ ق
