بغلان کې د ملي ژبو د ترویج په موخه د مطبعو له مسؤلینو سره ناسته وشوه
د بغلان ولایت د اطلاعاتو او کلتور ریاست له لوري د مطبعو او چاپي مرکزونو له مسؤلینو سره په لوحو او اعلاناتو کې د بهرنیو ژبو لغتونو او کلمو د کارونې مخنیوي او د ملي ژبو د ترویج په موخه ناسته وشوه.
د اطلاعاتو او کلتور ریاست اړوند د اطلاعاتو آمر وویل: د ملي ژبو د کلمو کارول د فرهنګي هویت د ژوندي ساتلو یوه مهمه برخه ده او ټول چاپي بنسټونه مکلف دي، چې د ملي ژبو د اصولو سره سم خپلې لوحې او اعلانات چاپ کړي.
دغه راز د مطبعو مسؤلینو ژمنه وکړه، چې په لوحو او اعلاناتو کې به د بهرنیو کلمو د کارونې مخنیوي او د ملي ژبو د کلمو ترویج کولو او پیاوړتیا په برخه کې به د اطلاعاتو او کلتور ریاست سره پوره همکاري وکړي.
د یادونې وړ ده، چې د اطلاعاتو او کلتور ریاست به د بغلان ښار په کچه د لوحو او اعلاناتو د محتوا څارنه وکړي او د اصولو خلاف جوړ شویو لوحو او اعلاناتو پر وړاندې به اصولي چلند وکړي.
۱۴۴۷/۴/۱۲ هـ ق
