د بدخشان پوهنتون زده کړیالانو د دې ولایت له محلي موزيم څخه ليدنه وکړه
د بدخشان ولایت د اطلاعاتو او کلتور ریاست مسؤلین وایي: څه باندې ۵۰ تنو زده کړیالانو د محلي موزيم څخه د دې ولايت له تاريخ سره د اشنایۍ په موخه ليدنه وکړه.
د بدخشان د فرهنګ او هنر آمر راغلیو زده کړیالانو ته د ښه راغلاست ویلو ترڅنګ دغه موزیم کې د موجوده ۶۰ قلمه تاريخي آثارو په اړه هر اړخیز معلومات ورکړل.
نوموړي وویل: په دې موزيم کې شته آثار د ډبرو دورې، غزنويانو دورې، غوريانو او نورو مهمو تاريخي دورو پوري اړه لري او دغه آثار تل د کورنیو او بهرنیو لیدونکو د پام وړ ګرځیدلی دی، له یاد موزيم څخه هر څوک په رسمي وخت کې په وړیا ډول لیدنه کولای شي.
۱۴۴۶/۱۱/۱۷ هـ ق
