د فریلانسینګ یا آنلاین کاروبار پروګرام څخه فارغ شوي ځوانان وستایل شول
د نيمروز ولايت د اطلاعاتو او کلتور رئيس مولوي حبيبالله الهام او د ځوانانو چارو آمر مولوي نعمتالله محمدي په حضور کې د فریلانسینگ یا آنلاین کاروبار له درې میاشتني پروګرام څخه چې په هرات کې جوړ شوی و، شپږ تنه نیمروزي ځوانان فارغ شول.
په پیل کې د اطلاعاتو او کلتور رئیس وویل: اسلامي امارت هڅه کوي تر څو د ځوانانو لپاره په ځانګړي ډول د با استعداده کدرونو لپاره د هرې ممکنه لارې کار واخلي او هغوی ته د کار زمینه برابره کړي چې ښه بېلګه یې ستاسو ځوانانو روزنیز بهیر پیلول او په راتلونکي کې د ځان او نورو ځوانانو لپاره د کار کولو ښه فرصت ترلاسه کول دي.
ور پسې د ځوانانو چارو آمر مولوي نعمتالله محمدي وویل: د نيمروز ولايت شپږو تنو ځوانانو ته چې د اطلاعاتو او کلتور وزارت د ځوانانو چارو معینیت له لوري په هرات ولایت کې درې مياشتنی فریلانسینگ پروګرام جوړ شوی و ګډون کړى و، دغه پروګرام یې په برياليتوب پای ته ورسوئ چې په راتلونکي کې به د نيمروز ولايت خلکو ته په دې برخه کې په ښه توګه خدمت ترسره کړي.
په پای کې فارغینو ځوانانو په خپل وار سره د نیمروز ولایت د اطلاعاتو او کلتور ریاست د مسؤولینو له پاملرني او نه ستړي کیدونکو هلو ځلو څخه مننه وکړه او ویې غوښتل تر څو د امکاناتو په برابرولو سره په دې برخه کې د نورو ځوانانو د روزلو لپاره فرصت برابر کړي.
د یادونې وړ ده چې یاد ځوانان د نیمروز د اطلاعاتو او کلتور ریاست له لوري په معنوي ډالیو (ستاینلیکو) هم ونازول شول.
۲۸/۵/۱۴۴۶ ھ ق
۱۰/۹/۱۴۰۳ ھ ل