د هيواد د مشهورو شاعرانو او ترانه ویونکو دوه ورځنی سيمينار پای ته ورسېد
د هيواد د مشهورو شاعرانو او ترانه ویونکو په ویاړ دوه ورځنی علمي او فرهنګي سېمینار شروع سوی و، نن يې اخرنۍ ورځ وه.
په ياد سېمينار کې د ا.ا.ا. د بهرنیو چارو وزیر امیر خان متقي، داطلاعات کلتور وزیر ملا خیرالله خیرخواه ، اطلاعاتو کلتور وزارت د هنر او فرهنګ معین مولوي عتیق الله عزیزي، د ملي اولمپیک رئیس احمد الله وثیق، دریاست الوزرا دمطبوعاتو او ستراتیژیکو اړیکو معاون قاري عبدالستار سعید او يوازې مرکزي وياند ښاغلي مجاهد صاحب په ويډيو بڼه ګډون کړی و.
د غونډې ټولو ګډونوالو په خپل وار سره شاعران او ترانه ویونکي وستايل او زياته يې کړه، چې ستاسو مسؤليت تر پخوا اوس لا زيات او دروند سوی دی، د راغلې فرصت څخه اعظمي استفاده وکړئ، او ولس ته روحيه ور کړئ.
د غونډې په پای کې د اطلاعاتو او کلتور وزیر ملا خیرالله خیرخواه، دوه ورځنی سمینار مثبت و ارزوه او ویل سوي مقالې او ویناوي یې مؤثرې وبللي.
د سېمينار د برخوالو راټول سوي نظرونه او مشورې يې مهمې وبللې او هيله يې وښوده چې له مثبتو نظرونو اواستعدادونو څخه به استفاده کوي.
د یادولو وړ ده، چې د مشهورو ترانه ویونکو او شاعرانو په ویاړ یاد علمي او فرهنګي سېمینار له دوه ورځو راهیسې په کابل کې د هيواد د ټولو ولایتونو څخه راغلي شاعران او ترانه ویونکي په ګډون دوام درولود، چې نن یادو شاعرانو او ترانه ویونکو ته د ستاینلیک په ورکولو سره پای ته ورسېد.