په هرات کې د (نسیم مهر) په نوم د خطاطۍ څلور ورځنۍ نندارتون پيل شو
د هرات ولایت د اطلاعاتو او کلتور ریاست لخوا د اسلامي او اصیل هراتي خط ژوندي ساتلو په موخه د (نسیم مهر) په نوم د خطاطۍ څلور ورځنی نندارتون جوړ شو.
د اطلاعاتو او کلتور ریاست د کلتور او هنر آمر مولوي حمیدالله غیاثي وایي: خطاطي د هرات له اصیلو هنرونو څخه ده، د اطلاعاتو او کلتور ریاست هڅه کوي، ترڅو اسلامي هنرونه ژوندي وساتي او د هنرمندانو د هڅونې لپاره د نندارتونونو د جوړولو زمینه برابره کړي.
د هرات د خوشنویسانو د ټولنې رئیس استاد جلیل احمد توانا وایي: په دې نندارتون کې د نستعلیق مختلف ډولونو ۶۰ آثار نندارې ته وړاندې شوي دي.
د یادونې وړ ده چې په (نسیم مهر) نندارتون کې د استاد عنبري قلم د خطاطۍ څلور آثار، چې شاوخوا ۴۰۰ کاله مخکې په هرات کې اوسېده او د خطاطۍ له مشهور او نوموتو استادانو څخه و، هم نندارې ته وړاندې شوي دي.
۱۴۴۶/۷/۱۳ ق
۱۴۰۳/۱۰/۲۵ ل
