فارياب کې د رسنيو له مسؤلينو او خبريالانو سره د همغږۍ ناسته وشوه
د فارياب ولايت د اطلاعاتو او کلتور رياست له لوري د رسنيو له مسؤلينو او خبريالانو سره د همغږۍ مياشتنۍ ناسته د د دولتي او خصوصي رسنيو د استازو او خبريالانو په ګډون ترسره شوه.
د اطلاعاتو او کلتور رياست رئيس مولوي شمس االدين محمدي د رسنيو پر ارزښت او د اطلاع رسونې برخه کې ددوی په کليدي رول خبرې وکړې او ويې ويل: رسنۍ د ارتباطي پل په توګه د دولت او ولسونو په کارونو کې د بهتروالي او شفافيت برخه کې ښه رول لوبولی شي، د رسنيو او دولتي ادارو ترمنځ ګډه همکاري ضرور ده، ځکه بغیر له همکارۍ يو لوری هم د مشترکو اهدافو په ترلاسه کولو نه بريالی کيږي.
همداراز د اطلاعاتو آمر غلام محمد کريمي د خبريالانو ته د کارونو د اسانه کولو په موخه ددې آمريت د هڅو او پلانونو په اړه معلومات شريک کړل.
د خبريالانو په استازولۍ حسن سرداش او فیروز غفوري د رسنيو او خبريالانو د ستونزو او اطلاعاتو ته د لاسرسي په اړه خبرې وکړې او له مسؤلينو يې په دې برخه کې د اسانتياوو برابرولو غوښتنه وکړه.
۱۴۴۶/۲/۳ هـ ق
۱۴۰۳/۵/۱۷ هـ ل
