د جوزجان له ښوونيزو مرکزونو څارنه وشوه
دوشنبه (۱۷ د محرم الحرام ۱۴۴۶) د جوزجان ولايت د اطلاعاتو او کلتور رياست مسؤلينو له ښوونيز مرکز او د ځوانانو د سوداګريزو استعدادونو د پراختیا له مرکز څخه څارنه وکړه.
د ځوانانو چارو آمر انجینر پهلوان بابري وايي: د ځوانانو د سوداګريزو استعدادونو د پراختیا مرکز او ښوونيزو مرکزونو د درسونو د کیفیت لوړونې، د پروګرامونو د څرنګوالي، او د زده کوونکو د ارزيابۍ په موخه يې له دې مرکزونو څارنه ترسره کړه.
د ښاغلي بابري په خبره؛ دا مهال په دې مرکزونو کې سلګونه تنه زده کوونکو د تجربه لرونکو استادانو له لوري په وړيا ډول زده کړي ترلاسه کوي.
د يادونې وړ ده چې له دې دوو مرکزونو څخه په تير يو کال کې سلګونه تنه زده کوونکي له مختلفو برخو فارغ شوي دي، چې يو مرکز په شبرغان ښار او بل په آقچې ولسوالۍ کې موقعيت لري.
۱۴۰۳/۵/۲ هـ ل
۲۰۲۴/۷/۲۳ میلادي
