د ځوانانو چارو آمر د نهر چمن ښوونيز مرکز څخه څارنه ترسره کړه
پنجشنبه (۳۰ د شوال المکرم ۱۴۴۵) د تخار ولايت د اطلاعاتو او فرهنګ رياست د ځوانانو چارو آمر مولوي عین الدين مطمئن د تالقان ښار د نهرچمن له ښوونيز مرکز څخه څارنه ترسره کړه، او په زده کوونکو يې ټينګار وکړ، چې له فرصت څخه ګټه واخلي.
ښاغلي مطمئن ځوانان د هېواد متحرکه قوه او ابادوونکي وبلل، او تعليم او تحصيل يې د انساني او اسلامي ټولنې ضروت ياد کړ، په دې ښوونيز مرکز کې له عصري الکترونيکي وسايلو څخه استفاده کيږي، چې د زده کوونکو درسي صنفونه په پروجکتور، کمپيوټر او انټرنټ سره سنبال دي.
د يادونې وړ ده، چې د تخار ولايت د اطلاعاتو او فرهنګ رياست په مرکز تالقان ښار کې په مناسبو ساحو کې په ازمايښتي ډول درې ښوونيز مرکزونه فعال کړي دي، چې د شپږو درسي صنفونو په درلودو سره پکښې شاوخوا ۱۲۰ تنه ځوانان په زده کړو بوخت دي.
۱۴۰۳/۲/۲۰ هـ ل
۲۰۲۴/۵/۹ میلادي
