هېڅوک حق نلري چې له تاريخي او لرغونو سیمو څخه شخصي ګټه پورته کړي
دغه څرګندونې نن د کندوز ولايت د اطلاعاتو او کلتور رئیس الحاج مطیعالله روحاني د بالاحصار له تاریخي تپې څخه د لیدنې پر مهال وکړې.
د اطلاعاتو او کلتور رییس الحاج مطیعالله روحاني وویل: په تېر پرزېدلي حکومت کې د خلکو لخوا د د تاریخي سيمو یو شمېر برخو کې د غصب ترڅنګ د ښاروالۍ او خلکو لخوا خزلې او کثافات اچول شوي وو، چې نن مو د يادو چارو د مخنيوي په موخه د تاریخي سیمو له جملې څخه د کندوز بالاحصار له تاریخي تپې څخه ليدنه ترسره کړه.
ښاغلی روحاني زیاته کړه؛ د ا.ا.ا. حکومت په ځانګړي ډول د اطلاعاتو او کلتور وزارت د تاريخي ځایونو د ساتنې په برخه کې کلکه پاملرنه کوي، ځکه دا د هېواد هویت ده، چې باید ترې په کامله توګه حفاظت او ساتنه وشي او هېڅچاته اجازه نه ورکول کېږي چې له تاریخي ځایونو څخه شخصي ګټه پورته کړي.
د اطلاعاتو او کلتور ریاست د میراث ساتنې مدیر احمد جاوېد رنجبر وویل: له تاريخي سیمو څخه ساتنه د اطلاعاتو او کلتور ریاست له مسولیتونو څخه ده, د هغه په وینا د بالاحصار تاریخي تپې یو شمېر اوسېدونکو دغې تپې پورې اړونده ساحو کې د دوکانونو د جوړولو چارې پیل کړې وې، چې هم مهاله د اطلاعاتو او کلتور ریاست لخوا ورته سپارښتنه وشوه، ترڅو له تاريخي آبداتو شخصي استفاده ونکړي.
د یادونې وړ ده چې په کندوز ولايت کې د بالاحصار تاریخي تپه یو له هغو ۱۹ تاريخي سیمو څخه شمېرل کېږي چې شاوخوا ۱۰۰۰ کاله مخینه لري, چې یاده تپه په اطلاعاتو او کلتور وزارت کې ثبت او راجسټر هم ده.
۱۴۴۵/۶/۸ ھ ق
۱۴۰۲/۹/۳۰ ھ ش
