په تخار کې د امارت پېژندنې کتاب د سیالۍ ازموینه تر سره شوه
تېره ورځ د تخار ولایت په پوهنتون کې د امارت پېژندنې کتاب سیالي تر سره شوه.
په یاده سیالۍ کې څه باندې ۵۰۰ محصلینو برخه اخیستې وه.
د تخار پوهنتون علمي مرستيال پوهنمل سيد محمد حسن خليلي په دې اړه وایي: دغه رقابتي ازموينه د هغه تفاهم له مخې چې يوه مياشت مخکې د تخار پوهنتون او د اطلاعاتو او کلتور رياست ترمنځ شوې وه، تر سره شوه.
ښاغلي خلیلي همدا راز وویل: د دې سیالیو د ترسره کولو موخه د اسلامي امارت د حاکم نظام او د نړۍ او سیمې په کچه په مختلفو برخو کې د پروګرامونو په اړه د محصلینو او ځوانانو د تحلیلي ظرفیت او پوهاوي کچه لوړول دي.
د یادونې وړ ده چې د تخار پوهنتون له لوري د یادې سیالۍ لسو غوره زه ده کوونکو ته جوایز هم په نظر کې نیول شوي دي.
۱۴۴۵/۳/۱۶ هـ ق
۱۴۰۲/۷/۹ هـ ش
