د قندهار عامه کتابتون 16زره کتابونه لري چې لوستلو ته یې هره ورځ لسګونه کسان ورځي
د قندهار په اطلاعات او فرهنګ رياست کې موجود عامه کتابتون په 1345ه ش کې جوړ شوی چې زرګونه کتابونه او سلګونه مراجعين لري.
د قندهار د اطلاعات او فرهنګ ریيس مولوي نور احمد سعيد د باختر آژانس له سیمه ييز خبریال سره په مرکه کې ویلي چې د قندهار عامه کتابتون، چې په اطلاعات او فرهنګ رياست کې موقعيت لري ۱۶۰۰۰ بېلا بېل کتابونه لري، چې ډېره برخه یې منثور او منظوم ادبيات، تاريخ، اسلاميات، سياسي کتابونه، ناول، لنډي کيسې، د زراعت اړوند، حقوقي کتابونه او ورته نور دي.
سعيد وايي چې په عامه کتابتون کې د پخوانيو ورځپاڼو او مجلو کليکسونونه هم موجود دي، چې زيات وختونه د پوهنتون محصلين او زده کوونکي د خپلو علمي څېړنو د بشپړولو لپاره ترې ګټه اخلي. په خبره یې؛ د طلوع افغان، هېواد، انیس، سمون، اصلاح، سورغر او ځينو نورو ورځپاڼو کليکسونونه هم د قندهار په عامه کتابتون کې خوندي شوي دي.
د اطلاعاتو او فرهنګ رییس وايي چې نورې مهمې او پخوانۍ مجلې هم د قندهار عامه کتابتون کې شته چې زيات شمېر لوستونکي لري.
سعيد زياته کړه، چې په عادي ورځو کې دغه کتابتون ته تر ۳۰ کسانو پورې مراجعه کوي؛ خو د ښوونځيو او پوهنتونونو د پیل کېدو پر مهال عامه کتابتون ته د مراجعه کوونکو شمېر تر ۳۰ کسانو پورته کېږي. د سعید د څرګندونو له مخې؛ د پوهنتونونو، ښوونځيو او نورو ښوونيزو مرکزونو څخه په اوونۍ کې يو ځل يا دوه ځلې زده کوونکي او محصلين په علمي سيل اطلاعات او فرهنګ رياست ته ورځي، چې پر نورو برخو سربېره عامه کتابتون هم ګوري.
د قندهار د اطلاعات او فرهنګ رییس وايي چې د قندهار په عامه کتابتون کې ځينې پخواني علمي، ادبي، طبي او ګټور کتابونه هم موجود دي، چې په زياته کچه د پوهنتونونو د محصلينو لپاره د استفادې وړ وي.
د يادونې وړ ده چې د قندهار په اطلاعات او فرهنګ رياست کې موجود کتابتون د قندهار په کچه يوازینی عامه کتابتون دی، چې دروازه یې د ټولو مطالعه کوونکو پر مخ خلاصه ده او هر څوک کولای شي په وړيا ډول د ياد عامه کتابتون کتابونه مطالعه کړي.
د قندهار په اطلاعات او فرهنګ رياست کې موجود عامه کتابتون په 1345ه ش کې جوړ شوی چې زرګونه کتابونه او سلګونه مراجعين لري.
د قندهار د اطلاعات او فرهنګ ریيس مولوي نور احمد سعيد د باختر آژانس له سیمه ييز خبریال سره په مرکه کې ویلي چې د قندهار عامه کتابتون، چې په اطلاعات او فرهنګ رياست کې موقعيت لري ۱۶۰۰۰ بېلا بېل کتابونه لري، چې ډېره برخه یې منثور او منظوم ادبيات، تاريخ، اسلاميات، سياسي کتابونه، ناول، لنډي کيسې، د زراعت اړوند، حقوقي کتابونه او ورته نور دي.
سعيد وايي چې په عامه کتابتون کې د پخوانيو ورځپاڼو او مجلو کليکسونونه هم موجود دي، چې زيات وختونه د پوهنتون محصلين او زده کوونکي د خپلو علمي څېړنو د بشپړولو لپاره ترې ګټه اخلي. په خبره یې؛ د طلوع افغان، هېواد، انیس، سمون، اصلاح، سورغر او ځينو نورو ورځپاڼو کليکسونونه هم د قندهار په عامه کتابتون کې خوندي شوي دي.
د اطلاعاتو او فرهنګ رییس وايي چې نورې مهمې او پخوانۍ مجلې هم د قندهار عامه کتابتون کې شته چې زيات شمېر لوستونکي لري.
سعيد زياته کړه، چې په عادي ورځو کې دغه کتابتون ته تر ۳۰ کسانو پورې مراجعه کوي؛ خو د ښوونځيو او پوهنتونونو د پیل کېدو پر مهال عامه کتابتون ته د مراجعه کوونکو شمېر تر ۳۰ کسانو پورته کېږي. د سعید د څرګندونو له مخې؛ د پوهنتونونو، ښوونځيو او نورو ښوونيزو مرکزونو څخه په اوونۍ کې يو ځل يا دوه ځلې زده کوونکي او محصلين په علمي سيل اطلاعات او فرهنګ رياست ته ورځي، چې پر نورو برخو سربېره عامه کتابتون هم ګوري.
د قندهار د اطلاعات او فرهنګ رییس وايي چې د قندهار په عامه کتابتون کې ځينې پخواني علمي، ادبي، طبي او ګټور کتابونه هم موجود دي، چې په زياته کچه د پوهنتونونو د محصلينو لپاره د استفادې وړ وي.
د يادونې وړ ده چې د قندهار په اطلاعات او فرهنګ رياست کې موجود کتابتون د قندهار په کچه يوازینی عامه کتابتون دی، چې دروازه یې د ټولو مطالعه کوونکو پر مخ خلاصه ده او هر څوک کولای شي په وړيا ډول د ياد عامه کتابتون کتابونه مطالعه کړي.
