د (شرعي نظام په استحکام کې د اطاعت اغیزې) په نوم کتاب لوستنې سیالۍ پایلې اعلان شوې

د لغمان اطلاعاتو او کلتور ریاست او الصارم فکري او فرهنګي ادارې په ګډو همکاریو د دې ولایت اړوند بادپښ ولسوالۍ کې چې د ۴۰۰ تنو ځوانانو ترمنځ د (شرعي نظام په استحکام کې د اطاعت اغیزې) په نوم د کتاب لوستنې سیالۍ ترسره شوې وه، پایلې یې اعلان او مخکښ ګډونوال یې په بېلابېلو ډالیو ونازول شول.
د اطلاعاتو او کلتور ریاست مسؤلینو په وینا: له یادې سیالۍ څخه موخه ځوانان د اطاعت له ګټو او اغېزو خبرول، مطالعې ته د ځوانانو هڅول او د مطالعې کلتور پیاوړي کول وو.
د مسؤلینو په وینا د یادې سیالۍ لومړي مقام کټونکي ته یو کمپیوټر، دوهم مقام ګټونکي ته لاسي ساعت، دریم مقام ګټونکي ته نغدي جایزه او په ترتیب سره نورو مخکښ ګډونوالو ته هم بېلابېلې ډالۍ ورکول شول.
د یادونې وړده، چې له دې وړاندې هم په قرغیو ولسوالۍ کې په یاد کتاب کې له ۵۰۰ تنه ځوانانو څخه ازموينه اخیستل شوې وه، چې مخکښ ګډونوال یې په بېلابېلو ډالیو نازول شوي وو.

۱۴۴۷/۱۰/۲۷ هـ ق