د رسنیو مسؤلینو، خبریالانو او د امارتي ادارو مطبوعاتي مسؤلینو ته روزنیز سیمینار وړاندې شو
د زابل اطلاعاتو او کلتور ریاست له لوري د رسنیو مسؤلینو، خبریالانو او امارتي ادارو مطبوعاتي مسؤلینو ته یو ورځنی اصلاحي او روزنیز سیمینار وړاندې شو.
د اطلاعاتو او کلتور ریاست مسؤلینو په وینا دغه سیمینار د خبریالۍ د مسلکي اصولو، همغږۍ او د معلوماتو د اغېزمنتیا په موخه جوړ شوی و، دوی د رسنیو له استازو او خبریالانو څخه وغوښتل، چې هغه معلومات خپاره کړي، چې پر واقعیتونو ولاړ وي، د ټولنې د پرمختګ سبب ګرځي او د دښمن د منفي تبلیغاتو د مخنیوي لپاره د ګډ کار او پوره همغږي ولري.
دغه راز مسؤلینو په اسلامي ټولنه کي د ژورنالېزم او خبریالۍ پر ارزښت او اهمیت خبرې وکړې او د امارتي ادارو له مطبوعاتي مسؤلینو څخه یې هم وغوښتل، چي د خپلو ادارو معلومات او لاسته راوړنې پر خپل وخت له رسنیو سره شریکې کړي، تر څو د نظام لاسته راوړنې په ښه او شفافه توګه رسنیزې شي.
۱۴۴۷/۸/۲۳ هـ ق
