هغه ځوان وستایل شو، چې قرآنکریم یې له ژباړې سره په غوره میناتورۍ لیکلې و
د بلخ د اطلاعاتو او کلتور ریاست د اسلامي ارزښتونو او خطاطۍ هنر د پاللو په موخه، د حیرتان ښارګوټي اوسیدونکی حامد امین یار چې قرآنکریم یې له پښتو ژباړې سره په غوره میناتورۍ لیکلې و، په مادي او معنوي ډالیو وستایه.
مسؤلینو د نوموړي ځوان د دغه ارزښتناک علمي، ديني خدمت او نوښت ستاينه وکړه او له ورته نورو ځوانانو سره يې هم د پوره همکاريو ډاډ څرګند کړ. مسؤلینو زیاته کړه؛ د داسې اسلامي او دیني ارزښتونو او کلتوري هنرونو (خطاطي او میناتورۍ) سره مینه له اسلامي معتقداتو سره د افغان ځوانانو د ژورې مینې څرګندونه کوي.
د یادونې وړ ده، چې حامد امین یار یاد قرانکریم په٣٠٤ صفحو د دوو کلونو په ترڅ کې له پښتو ژباړې سره په خورا غوره خطاطۍ او عالي میناتورۍ سره لیکلی دی.
۱۴۴۷/۸/۱۲ هـ ق
