د افغان فرهنګي او هنري مشاهيرو لپاره د اډيرې د جوړولو او تثبيت کمېسيون غونډه وکړه
د افغان د فرهنګي او هنري مشاهيرو لپاره د اډيرې د جوړولو او د تثبيت کمېسيون دويمه غونډه د اطلاعاتو او فرهنګ وزارت د فرهنګ او هنر د معين پوهاند محمدرسول باوري په مشرۍ نن غوڼډه وکړه.
د باختر اژانس د خبر له مخې؛ د کمېسيون په غونډه کې چې د علومو اکاډمۍ، د حج او اوقافو وزارت او د کابل ښاروالۍ استازو ګډون کړي و، د افغان د فرهنګي او هنري مشاهيرو د اډيرې لپاره د مشخص ځاى د طرحې په اړوند خبرې اترې وکړې او د غونډې غړو د دغې طرحې د بډاينې په خاطر خپلې نظريې او پيشنهادونه وړاندې کړل. پوهاند محمد رسول باوري هغو هنرمندانو ته چې د هغوى اثاراو شتمنۍ په ټولنه کې منل شوي دي د مشخص اډيرې جوړول يو ښه او ارزښتناک کار وباله. د فرهنګ او هنر معين دغه راز ټينګاروکړ هغه اصلاحات چې په دې غونډه کې د اډيرې د طرحې د ښه والي لپاره وړاندې شول بايد په راتلونکې غونډه کې پرې خبرې وشي چې د اډيرې د جوړولو لپاره يوه بشپړه او هراړخيزه طرحه چمتو شي.
کابل/ دلړم ٢٢ مه / باختر
