یاسین سالارزي د خوست له عامه کتابتون سره د ۳۰۰ کتابونو مرسته وکړه
په اروپا کې مېشت افغان یاسین سالارزي د خوست له عامه کتابتون سره د ۳۰۰ کتابونو مرسته وکړه. د خوست د اطلاعاتو او فرهنګ رییس محمد انور زاهد له یاسین سالارزي او د خوست له ځوانانو مننه وکړه چې تل یې د عامه کتابتون په بډاینه کې هڅې کړې دي. زاهد پر ملي سوداګرو او په ټوله کې پر خوست مېشتو غږ وکړ چې له دغه کتابتون سره مرسته وکړي. په همدې حال کې د خوست اوسېدونکی فرید قربان وايي چې د مرسته شویو کتابونو په مطالعې سره به زده کوونکي او محصلان وکولای شي چې په فکري لحاظ بیدار شي. د خوست په عامه کتابتون کې اوس مهال ۱۳۰۰۰ کتابونه شته چې د مطالعې مینوال، زده کوونکي او محصلان کولای شي په وړیا ډول یې ترلاسه او مطالعه کړي.
متون / د تلې ۲۸ مه / باختر
