کونړ کې د مطالعې کلتور د عامولو په موخه روزنیز سیمینار ترسره شو

د اطلاعاتو او کلتور وزارت اړوند د عامه کتابتونونو ریاست او د کونړ اطلاعاتو او کلتور ریاست په ګډو همکاریو د مطالعې کلتور د پیاوړتیا او عامولو په موخه لسګونو تنو ځوانانو ته یو ورځنی روزنیز سیمینار وړاندې کړ.
د عامه کتابتونونو ریس دوکتور رفیع الله صمیم د مطالعې د ارزښت په اړه وینا وکړه او زیاته یې کړه، چې دغه ولایت ته یې د سفر موخه له فرهنګي ځوانانو سره ناسته او د دې ولایت د عامه کتابتونونو د وضعیت څیړل و، ښاغلي صمیم ژمنه وکړه، چې د کونړ ولایت د عامه کتابتونونو د لا غني کیدو او معیاري کیدو په برخه کې به پوره همکاري وکړي.
د اطلاعاتو او کلتور ریاست مسؤلینو دغه ډول سیمینارونو جوړول د مطالعې کلتور عامولو په برخه کې اړین وبلله او زیاته یې کړه، چې که غواړو هېواد مو پرمختګ وکړي او ولسونه مو هوسا ژوند ولري باید مطالعې ته په خپلو ورځنیو چارو کې ځانګړی وخت ورکړو.

۱۴۴۷/۷/۲۵ هـ ق