کندهار کې ګڼ شمير ځوانان د حرفوي زده کړو مرکز ته وروپېژندل شول
سه شنبه ( ۲۴ د محرم الحرام ۱۴۴۶ ) د کندهار ولایت د اطلاعاتو او کلتور رياست او د (YHDO) مؤسسې په ګډه همکارۍ ۵۰ تنه ځوانان د حرفوي زده کړو مرکز ته وروپېژندل شول.
د اطلاعات او فرهنګ رياست د ځوانانو چارو آمر حافظ حمدالله سعيد وویل: دغه ۵۰ تنه ځوانان د ځوانانو چارو آمريت تر رهبرۍ لاندې د (YHDO) مؤسسې له لوري د حرفوي زده کړو مرکز ته وروپېژندل شول، چې د دریو مياشتو په موده کې به په تليفون جوړولو، خياطۍ او نورو مختلفو حرفوي رشتو کې زده کړي تر لاسه کړي، يادو زده کوونکو ته د ورځني مصارفو د ورکړې تر څنګ له زده کړو وروسته په اړوندو برخو کې يو مکمل کاري سيټ هم ورکول کيږي.
په ورته وخت کې ځوانانو خوښي څرګنده کړه، چې کسب زده کوي او وروسته به له همدې لارې د خپلې کورنۍ لپاره حلاله روزي برابروي، همداراز دوی د ورته نورو پروګرامونو د جوړولو غوښتنه وکړه، تر څو بې کاره ځوانانو ته د کار زمينه برابره شي.
۱۴۰۳/۵/۹ ھ ل
۲۰۲۴/۷/۳۰ ميلادي
