کابل سرينا هوټل د اطلاعاتو اوفرهنګ له وزارت نه سل مليونه افغانۍ پوروړى دى

ehsan
چهارشنبه ۱۳۹۹/۵/۱ - ۱۱:۱۹
هوتل کابل سرینا ۱۶۸ میلیون دالر مقروض وزارت اطلاعات و فرهنگ است

د اطلاعاتواوفرهنګ وزارت ته د کابل سريناهوټل د ١٠٠ مليونو افغانيو پور په باب د هوټلونوشرکت د عالي شورا فوق العاده غونډه د اطلاعاتواوفرهنګ وزارت د سرپرست محمد طاهر زهير په مشرۍ جوړه شوه.

د باختراژانس د خبرله مخې؛ محمد طاهر زهير د دولت د پورونوترلاسه کول د وزارت له مهمو دندو څخه وبلل او ويې ويل: د اطلاعاتواو فرهنګ وزارت ته د کابل سرينا هوټل د سلومليونوافغانيو حق الاجارې موضوع څېړنه مهمه ده چې بايد ورته پاملرنه وشي.

په دې غونډه کې د هوټلونو شرکت رييس ذبيح الله احسان د کابل سرينا هوټل د پور په باب معلومات ورکړل او ويې ويل: کابل سرينا هوټل له ٢٠١٠ څخه تر ٢٠١٦ پورې د دغه هوټل د اجارې د نه ورکولو له پلوه ١٠٠ مليونه افغانۍپوروړى دى چې بايد دا پور د اطلاعاتواوفرهنګ وزارت د هوټلونود دولتي شرکت لوى رياست ته ورکړي.

هغه دغه راز وويل: چې کابل سرينا هوټل د هوټلدارى خدمتونه په عصري اومسلکي ډول وړاندې کوي اوموږ ورڅخه خوښ يو.او قدرداني يې کوو.

او غواړو چې په راتلونکې کې هم ښې اړيکې ولرو.
د هوټلونو شرکت رييس زياته کړه : موږ له کابل سرينا هوټل څخه د خپل جايداد دحق الاجارې د ډير ژر حاصلولو غوښتنه کوو.

هغه زياته کړه کابل سرينا هوټل په ٢٠٠٥ کال کې له بيا رغاونې وروسته د دېرشوکلونو لپاره د هغه اوسني خاوند ته په اجاره ورکړ شوى دى. چې د قرارداد له مخې له ٢٠٠٥ څخه تر ٢٠١٠ پورې د اجارې له ورکولو څخه معاف و او له هغه وروسته يې بايد د اجارې پيسې د اطلاعاتواوفرهنګ وزارت د هوټلونو شرکت ته ورکړى واى ؛ خو له ٢٠١٠ څخه تر ٢٠١٦ پورې يې د اجارې پيسې نه دي ورکړي اوسل مليونه افغانۍ دهوټلونو له شرکت څخه پوړوړى دى.

دغه راز د هوټلونو شرکت رييس وايي: د حق الاجارې د ورکولو په خاطر يې څومکتوبونه د کابل سرينا هوټل ته لېږلي دي خو د دغه هوټل ادارې تراوسه پورې په دې باب اقدام نه دى کړى.

د کابل سرينا هوټل مالي مسوول صفت الله وزيري په دې غوڼده کې وويل، چې کابل سرينا هوټل له ٢٠١٠ څخه تر ٢٠١٦ پورې د اطلاعاتو او فرهنګ وزارت د هوټلونوشرکت ته ٣٢ مليونه افغانۍ ورکړي دي او د اطلاعاتواوفرهنګ له وزارت څخه سل مليونه افغانۍ پوروړى دى‌.

هغه دغه راز ادعاوکړه چې د ماليې وزارت تېرکال ٤١٦مليونه افغانۍ دکابل سرينا هوټل له حساب څخه د ماليې له درکه وضع کړي دي . سره له دې چې کابل سرينا هوټل د قرارداد پربنسټ د لسو کلونولپاره د ماليې له ورکولو څخه معاف و.

هغه دغه راز زياته کړه ،د قرارداد له مخې بايد د افغانستان دولت د زرنګار پارک او د افغانستان بانک اود کابل سرينا ترمنځ سړک هم هوټل ته ورکړى واي . چې نه يې دى ورکړى . او له دې پلوه هم د هوټل خاوند زيانمن شوى دى
د اطلاعاتواوفرهنګ وزارت سرپرست د دواړو لورو د رپوټونو له اورېدو وروسته وويل چې په لومړي ګام کې موضوع دې د دواړو لورو ترمنځ حل شي که چېرې موضوع د هغوى ترمنځ حل نه شوه يوه واکمنه کمېټه دې جوړه شي چې له څېړنې وروسته ترلاسه کړې پايلې مسوولو مقاماتو ته وړاندې کړي.

ټاکل شوې ده چې په نږدې راتلونکې کې د موضوع د څېړنې په مقصد د همغږۍ غونډه جوړه شي .

تازه خبرونه

پنجشنبه ۱۳۹۹/۵/۲۳ - ۸:۲۲
Background image

د ځوانانو نړیوالې ورځې په مناسبت د اطلاعاتو او فرهنګ وزارت د سرپرست او نوماند وزیر محمد طاهر زهیر پیغام

زموږ د ګران هېواد افغانستان ټولو ځوانانو ته د زړه له تله  د ځوانانو نړیوالې ورځې مبارکي وایم. سږکال  موږ دا بختوره ورځ په داسې شرایطو کې نمانځو چې په هېواد کې  تلپاتې او باعزتې سولې ته. . .

دوشنبه ۱۳۹۹/۵/۲۰ - ۸:۵۶
Background image

محمد طاهر زهیر: علم ګنج تاریخي بڼ به له بیارغاونې وروسته ترډېره د فرهنګی چارو لپاره وکارول شي

د اطلاعاتو او فرهنګ وزارت سرپرست او نوماند وزیر محمد طاهرزهیر نن د علم ګنج تاریخي بڼ،  چې بیا پر ماشین خانې هم مشهور شو، د لیدو پر مهال وویل چې دا بې ساری تاریخی ځای به له بیارغاونې. . .

پنجشنبه ۱۳۹۹/۵/۱۶ - ۹:۱۷
Background image

محمد طاهر زهير د هېواد د پېژندل شوي فرهنګي او هنري بنسټ په توګه د کابل نندارې د بيارغاونې پر ژر پيل ټینګار وکړ

-
د اطلاعاتو او فرهنګ وزارت سرپرست محمد طاهر زهير نن د ګرځندوى، ملي تياتر، کابل نندارې او موسيقۍ رياستونو د بېلابېلو څانګو د کتنې په وخت کې لارښوونه وکړه چې د هېواد د پېژندل شوي فرهنګي. . .

BACK TO NEWS