پکتیا کې د حسن قرائت سیالي ترسره شوه
د پکتیا ولایت د اطلاعاتو او کلتور ریاست اړوند ځوانانو چارو آمریت له لوري د حافظانو هڅونې په موخه د حسن قرائت سیالي ترسره چې سلګونه تنو پکې ګډون کړی وو.
د دغه سیالۍ په پیل کې د پکتیا ځوانانو چارو آمر سیف الرحمان وهاج وویل: موږ هڅه کوو، چې د ځوانانو د ښې همغږۍ او پرمختګ لپار علمي پروګرامونه زیات کړو؛ همدارنګه ښاغلي وهاج زیاته کړه، چې په راتلونکي کې به د حسن قرائت سیالۍ د هېواد په کچه ترسره کوي، چې دغه سیالي به څو ورځې دوام وکړي.
ورپسې یو تن ګډونوال وویل: د ځوانانو چارو آمریت د دغه اقدام ستاینه او مننه کوو، چې د حسن قرائت سیالۍ ازموینې زمینه یې برابره کړې ده.
په پای کې د حسن قرائت سیالۍ لس تنه مخکښ ګډونوالو ته ډالۍ ورکړل شوې.
۱۴۴۶/۹/۲۶ هـ. ق
۱۴۰۴/۱/۶ هـ. ل
