په کابل کې د انلاین سوداګرۍ (فريلانسينګ) دوهم روزنیز مرکز پرانیستل شو
د اطلاعاتو او کلتور وزارت د ځوانانو چارو معین په کابل کې د انلاین سوداګرۍ دوهم روزنیز مرکز پرانېست.
قاري محمد یونس راشد د ياد مر کز په پرانيست غونډه کې وويل: د دې پروګرام له پیلولو یې موخه ځوانانو ته د انلاين تجارت روزنه، ځوانانو ته د انلاین کار پیدا کول او د هغوی د اقتصاد پیاوړی کول دي.
د ياد مرکز يو تن ښوونکي چي شاوخوا (٧٠٠٠) زره ډالره عايد لري وويل چي دغه روزنيز پروګرام ډېرې ګټې لري او کولاى شي د ځوانانو سره د انلاين سوداګرۍ په برخه کې مرسته وکړي.
د يادونې وړ ده چي ياد پروګرام د ملګرو ملتونو د نفوسو د صندوق په مالي مرسته او دځوانانو چارو د معینیت او د کاناډا د انستيتوت له خوا پلي کيږي.
۱۴۴۵/۵/۲۰ ھ ق
۱۴۰۲/۹/۱۳ ھ ش
