په لوګر کې د ا.ا.ا. په راتګ سره رسنۍ ښې لاسته راوړنې لري

پورتنۍ څرګندونې د لوګر ولایت د اطلاعاتو او کلتور رئیس رفیع الله صمیم چې د اطلاعاتو آمر حمیدالله صدیقي او د ځوانانو چارو آمر ذبیح الله جواد یې ملتیا کوله، د ملي راډیو تلویزیون او زینت خصوصي راډیو څخه د لیدنې پرمهال وکړې.
ښاغلي صمیم د ملي راډیو تلویزیون او زینت خصوصي راډیو له رسنیزو خدمتونو څخه د مننې ترڅنګ وویل: د ا.ا.ا. په راتګ سره په لوګر کې رسنۍ ښې لاسته راوړنې لري او اقتصادي ستونزې یې هم انشاالله مخ پر کمېدو دي.
د ښاغلي صمیم په خبره، زموږ هېواد زیات کارکولو ته اړتیا لري، باید په ګډه ټولې رسنۍ هغه موضوعات او برنامې ټولنې ته وړاندې کړې، چې زموږ خلک یې غواړي او د اسلامي او افغاني کلتور سره برابرې وي.
دغه راز نوموړي ډاډ ورکړ، چې د رسنیو د اقتصادي پیاوړتیا او ستونزو په حل کې هر راز همکاریو ته چمتوالی لري، شاغلي صمیم له رسنیو له استازو غوښتنه وکړه، چې د حقایقو په رسولو کې دې خپلې هڅې و نسپموي.

۱۴۴۵/۳/۱۶ هـ ق
۱۴۰۲/۷/۹ هـ ش