په تخار کې د رسنیو له مسوولینو او خبريالانو سره د همږغۍ غونډه وشوه

د تخار ولایت اطلاعاتو او کلتور ریاست د افغان خبریالانو د خوندیتوب کمېټې په همکارۍ د خبریالانو، د دولتي او خصوصي رسنیو مسوولینو او دولتي ادارو د مطبوعاتي مسوولینو سره د همږغۍ غونډه جوړه کړه.
د اطلاعاتو او کلتور رئیس مولوي ذبیح الله انصاري په دې غونډه کې د رسنیو ارزښت بیان کړ او د تخار په کچه د خبریالانو او رسنیو څخه يې د لا زیات ملاتړ ډاډ ورکړ.
مولوي انصاري زیاته کړه؛ د اطلاعاتو د ترلاسه کولو زمینه برابره ده او له رسنیو سره اړینه همږغي شتون لري، د اطلاعاتو او کلتور ریاست د تخار محلي ادارې او د اطلاعاتو او کلتور وزارت په همغږۍ هڅه کوي چې دغه همکاري او همږغي لا پراخه کړي.
همدارنګه خبریالانو او د رسنیو مسوولینو هم خپل نظریات، وړاندیزونه او ستونزې شریکې کړې او د اطلاعاتو او کلتور ریاست له همکاریو څخه یې مننه وکړه.

۱۴۴۶/۶/۲۴ هـ ق
۱۴۰۳/۱۰/۶ هـ ل