(په اسلامي ټولنه کې د رسنیو رول) تر سرلیک لاندې علمي او فرهنګي سیمینار وړاندې شو

د هرات ولایت مقام کې (په اسلامي ټولنه کې د رسنیو رول) تر سرلیک لاندې علمي او فرهنګي سیمینار وړاندې شو، چې پکې د یاد ولایت والي، د اطلاعاتو او کلتور ریاست استازو، د رسنیو مسؤلینو او خبریالانو ګډون کړی وو.
د هرات والي الحاج شیخ اسلام جار له رسنیو څخه د اسلامي امارت په هراړخیز ملاتړ ټینګار وکړ او له خبریالانو څخه یې وغوښتل چې د اسلامي شریعت د اصولو مطابق د اسلامي او ملي ارزښتونو پیاوړتیا، ملي یوالۍ ټینګښت او د هېواد د اقتصادي ودې په برخو کې خورا زیاتې هڅې وکړي.
ورته مهال د اطلاعاتو او کلتور ریاست استازو ټولنه کې د سالم پوهاوي، اسلامي ارزښتونو پیاوړتیا، یوالي ساتلو او د ناسمو اطلاعاتو خپریدو د مخنیوي په برخو کې د رسنیو رول مهم یاد کړ او له خبریالانو څخه یې وغوښتل چې د خبرونو د خپریدو پر مهال اسلامي ارزښتونو او د ټولنې ګټو ته پوره پاملرنه وکړي.

۱۴۴۷/۷/۲۵ هـ ق