پنجشېر کې د کمپیوټر او انټرنیټ وړیا ژمني ټولګي پیل شول
د پنجشېر ولایت د اطلاعاتو او کلتور ریاست د ځوانانو چارو آمریت له لوري د دې ولایت ځوانانو لپاره د کمپیوټر او انټرنیټ وړیا ژمني ټولګي پیل شول.
د دې ټولګیو د پرانېستې مراسمو کې د پنجشېر ولایت د اطلاعاتو او کلتور رئیس مولوي نصرالله ملکزاده وویل: دا ریاست د اسلامي اصولو په چوکاټ کې د عصري زدهکړو زمینې برابرولو ته ژمن دی، نوموړي زیاته کړه؛ د دې ټولګيو جوړولو موخه د پنجشېر ولایت د ځوانانو علمي وده او د هغوی د ظرفیت لوړول دي، دا ټولګي د ۳۰ کمپیوټرونو، مناسب میز او چوکۍ، پروجکټور او نورو اړینو وسایلو باندې سمبال شوي دي.
د نوموړي په وینا، شاوخوا ۳۰۰ ځوانانو د دې ټولګيو لپاره نوم لیکنه کړې ده او ټولګي به په څلورو نوبتونو کې د سهار او ماسپښین پر وخت ترسره کېږي.
د پنجشېر ولایت ځوانانو د اطلاعاتو او کلتور ریاست څخه د داسې پروګرامونو د پیلولو له امله مننه وکړه او غوښتنه یې وکړه، چې نورې زده کړیزې برنامې دې هم ورته پیل شي.
۱۴۴۶/۷/۱۴ ق
۱۴۰۳/۱۰/۲۶ ل
