پنجشېر کې د مطالعې او کتاب لوستلو په نامه پروګرام پیل شو
د پنجشېر ولایت د اطلاعاتو او کلتور ریاست له لوري د مطالعې او کتاب لوستلو په نامه پروګرام جوړ شو.
د اطلاعاتو او کلتور رئيس مولوي نصرالله ملکزاده وویل: له یاد پروګرام څخه موخه د مطالعې کلتور ته وده ورکول او ځوانان د کتاب لوستلو لور ته هڅول دي، چې شاوخوا پنځوس تنو ځوانانو پکښې ګډون کړی وو.
د ښاغلي ملکزاده په وینا؛ دا پروګرام د یاد ریاست د عامه کتابتون مدیریت له لوري جوړ شوی او ټاکل شوې، چې په راتلونکي کې هم په منظم ډول دوام ومومي.
د دې ریاست د عامه کتابتون مسؤل وویل: په پنجشېر کې د کتاب لوستلو کلتور د ځوانانو تر منځ د پراختیا په حال کې دی او مطالعې ته يې لېوالتیا ورځ تر بلې ډېرېږي.
د پنجشېر یو شمېر فرهنګپالان دا ډول پروګرامونه د ځوانانو د پوهې پراخېدو لپاره مهم بولي او پر دوام يې ټينګار کوي.
۱۴۴۶/۱۲/۴ هـ ق
