پروان کې د امارتي ادارو له ویاندویانو، خبریالانو او د رسنیو له مسؤلینو سره د همغږۍ ناسته وشوه
د پروان ولايت د اطلاعاتو او کلتور ریاست له لوري د ياد ولايت د والي مفتي محمد ادريس انوري په مشرۍ د امارتي ادارو له ویاندویانو، خبریالانو او د رسنیو له مسؤلینو سره د همغږۍ ناسته وشوه او د ناستې موخه خبریالانو ته د معلوماتو لاسرسی اسانه کول او د امیرالمؤمنین حفظه الله د فرمان د تطبیق په برخه کې د نشراتي مسؤلینو او ویاندویانو د مسؤلیتونو څرګندول وو.
د ناستې په ترڅ کې د اطلاعاتو او کلتور رئیس مولوي شمس الحق صدیقي د امارتي ادارو له ویاندویانو وغوښتل، چې د اسلامي امارت د اصولو په رڼا کې له رسنیو سره معلومات شریک کړي.
د پروان والي مفتي محمد ادریس انوري د رسنیو رول د عامه ذهنیتونو په روښانولو کې اغېزناک وباله او له مطبوعاتي مسؤلینو څخه یې وغوښتل، چې معلومات او اطلاعات د نظام د پالیسۍ له مخې خبریالانو ته وړاندې کړي.
په ورته وخت کې د رسنیو مسؤلینو او خبریالانو د پروان ولایت د اطلاعاتو او کلتور ریاست څخه د دې ډول پروګرامونو جوړولو له امله مننه وکړه او مسؤلینو ته يې د هر اړخیزې همکارۍ ډاډ ورکړ.
۱۴۴۶/۷/۱۲ ق
۱۴۰۳/۱۰/۲۴ ل
