هوډ لرو چې د کابل عامه کتابتون لا نور بډایه کړو

یادې څرګندونې د اطلاعاتو او فرهنګ وزارت نشراتي معین ښاغلي "مهاجر فراهي" نن د کابل عامه کتابتون څخه د لیدنې پر مهال وکړې، نوموړي وویل، یاد کتابتون د کتابونو یوه لویه ذخیره را یوځای کړې ده، د اطلاعاتو او فرهنګ وزارت هوډ لري، چې یاد کتابتون د کتابونو له پلوه لا نور غني کړي، ښاغلي مهاجر زیاته کړه، چې په دې برخه کې ناشرانو هم راسره د مرستې ژمنه کړې.
د عامه کتابتونو رئیس ښاغلي "قاري عبیدالله حنیف" وویل، د ا.ا په راتګ سره یاد کتابتون ته ډیر کار سوی دی، چې په خبره یې کابو ۱۰ زره کتابونه یې ورته را یوځای کړي او کابو ۱۰ زره یې ولایتونو ته لیږلي، نوموړي زیاته کړه، موږ اراده لرو، چې د یاد کتابتون لپاره د ۳ملیونو نور کتابونه رانیسو.
هیره دي نه وي، چې د کابل عامه کتابتون چې د استقلال لیسې څنګ ته په ملک اصغر څلور لاري کې موقعیت لري، د هیواد له پخوانیو کتابتونونو څخه دی، چې اوسمهال زرګونه کتابونه پکې سته او هر څوک کولای سي، چې پکې مطالعه وکړي.
۱۴۴۴/۵/۱۶ هـ ق