میدان وردګو کې (د غزل شپې) تر عنوان لاندې پروګرام ترسره شو

 تېره ورځ د اطلاعاتو او کلتور ریاست مسؤلينو یو شمېر ځوانان او شاعران  د غزل شپې ماښام تر نامه لاندې سره راټول کړل.
په دغه هنري او کلتوري پروګرام کې د اطلاعاتو او کلتور رئیس مولوي حبيب الله مجاهد وویل: اطلاعاتو او کلتور ریاست د ټولو فرهنګپالو، اديبانو او ځوانانو ګډ کور دی، موږ او تاسو به په ګډه هڅه کوو تر څو خپل اصیل افغاني او اسلامي کلتور  لانور هم پیاوړی کړو.
ښاغلي مجاهد زیاته کړه: اطلاعاتو او کلتور ریاست هڅه کوي تر څو د میدان وردګو ځوانان چې د ټولنې پیاوړی قشر دی په اسلامي روحیه وروزي.
په یاد کولتوري پروګرام کې د ځوانانو چارو آمر مولوي عبدالعزيز عزام چې نوی یاد آمریت ته راغلی له ځوانانو سره ژمنه وکړه چې دوی ته به د تعلیم په برخه کې لازم فرصتونه، تعلیمي سيالۍ، او په ولسواليو کې د ځوانانو شوراګانې جوړې کړي.
د غزل شپې دوهمه برخه د شعر ویلو ته ځانګړې شوې وه چې یو شمېر شاعرانو په بېلابېلو برخو کې خپل شعرونه د پروګرام ګډونوالو ته واورول.
۱۴۴۵/۵/۲۸ ھ ق
۱۴۰۲/۹/۲۱ ھ ش