محمد طاهر زهير د تاجکستان له جمهوريت سره د فرهنګي اړيکو د پراختيا غوښتنه وکړه

farzad_moicgovaf
جمعه ۱۴۰۰/۲/۱۰ - ۱۰:۴۱
محمد طاهر زهير د تاجکستان له جمهوريت سره د فرهنګي اړيکو د پراختيا غوښتنه وکړه

د اطلاعاتو او فرهنګ وزارت سرپرست محمد طاهر زهير پرون په کابل کې د تاجکستان له سفير ډاکټر شريفي سعدي سره په کتنه کې د افغانستان او تاجکستان ترمنځ د فرهنګي اړيکو پر پراختيا ټينګار وکړ.

د باختر آژانس د خبر له مخې؛ د اطلاعاتو او فرهنګ وزارت سرپرست پرون په کابل کې د تاجکستان جمهوريت له سفير ډاکټر شريفي سعدي سره په داسې حال کې چې د دغه وزارت د خپرونو چارو معين عبدالمنان شېوای شرق هم حاضر و، د خپل کار په دفتر کې وکتل. د افغانستان او تاجکستان ترمنځ د فرهنګي اړيکو پراختيا د دغې کتنې د خبرو اصلي محور و.

د اطلاعاتو او فرهنګ وزارت سرپرست د تاجکستان جمهوريت له سفير څخه وغوښتل، تاجکستان د هغو تجربو له مخې چې د کتابتونونو او فرهنګي مرکزونو په جوړولو کې يې لري؛ د يو معياري کتابتون په جوړولو کې د افغانستان له اطلاعاتو او فرهنګ وزارت سره مرسته وکړي. د اطلاعاتو او فرهنګ وزارت چمتو دى چې د دغه شان کتابتون د جوړولو لپاره يو مناسب ځای برابر کړي.

د اطلاعاتو او فرهنګ وزارت سرپرست په خپلو خبرو کې د “مقامي” موسيقۍ په اړه چې د پيدايښت ځاى يې منځنۍ آسيا او افغانستان دى؛ د تاجکستان له سفير څخه وغوښتل چې په افغانستان کې د “مقامي” موسيقۍ جشن په جوړولو کې همکاري وکړي.

محمد طاهر زهير په دې کتنه کې دغه راز د موزيم دارۍ، د تاريخي آثارو د ساتنې او ترميم او د لنډ مهالو روزنيزو کورسونو په برخو کې د تاجکستان له جمهوريت سره د فرهنګي همکاريو په پراختيا کې خپله لېوالتیا څرګنده کړه.

په دې کتنه کې د اطلاعاتو او فرهنګ وزارت سرپرست د تاجکستان له سفير څخه وغوښتل چې د فارسي ژبې شاعرې مېرمن سعيدې بخشي د مقبرې په جوړولو کې چې تر اوسه ګمنامه پاتې ده؛ همکاري وکړي.

په کابل کې د تاجکستان سفير ډاکټر شريفي سعدي هم په بېلابېلو برخو کې له افغانستان سره د تاجکستان د اړيکو د پراختيا په خاطر خپله لېوالتیا څرګنده کړه او ويې ويل  چې د افغانستان د اطلاعاتو او فرهنګ وزارت غوښتنې به د خپل هېواد له مقاماتو سره شريکې کړي.

کابل/ د غویي ۱۰ مه/ باختر

تازه خبرونه

چهارشنبه ۱۴۰۰/۲/۱۵ - ۱۲:۴۵
Background image

محمد طاهر زهير: د اطلاعاتو او فرهنګ وزارت له فرهنګيانو سره صميمي او همکار دی

د اطلاعاتو او فرهنګ وزارت سرپرست محمد طاهر زهير نن يوشمېر شاعرانو او ليکوالو ته د “کلک زرين اکاډمۍ” جايزې د ورکړې په غونډه کې ټينګار وکړ چې دغه وزارت هلې ځلې کوي چې له فرهنګيانو سره په. . .

دوشنبه ۱۴۰۰/۲/۱۳ - ۱۲:۲۷
Background image

د مطبوعاتو آزادۍ د نړیوالې ورځې په مناسبت د جمهوررئیس محمداشرف غني پیغام

د مطبوعاتو آزادۍ نړیواله ورځ دې د رسنیو لویې کورنۍ او په ځانګړي ډول افغاني رسنیو او خبریالانو ته چې په سختو شرایطو کې د خلکو د خبرولو او پوهولو سپېڅلې دنده ترسره کوي، ډېره ډېره مبارک وي. . .

دوشنبه ۱۴۰۰/۲/۱۳ - ۱۱:۵۵
Background image

عبدالمنان شېوای شرق: په افغانستان کې د خبريالانو او بيان آزادى پر وړاندې ګواښ جنايت دى

د اطلاعاتو او فرهنګ وزارت د خپرونو چارو معين عبدالمنان شېوای شرق نن په يوه خبري غونډه کې د خبريالانو پر خلاف د تاوتريخوالي دوسيو د څېړنې په اړه معلومات ورکړل او له رسنيو څخه يې وغوښتل. . .

BACK TO NEWS