محمد طاهر زهير: د اطلاعاتو او فرهنګ وزارت له ځوانانو او په تېره بيا محصلانو سره هېڅ راز همکاري نه سپموي

farzad
سه‌شنبه ۱۳۹۹/۸/۲۷ - ۱۰:۳۵
محمد طاهر زهير: د اطلاعاتو او فرهنګ وزارت له ځوانانو او په تېره بيا محصلانو سره هېڅ راز همکاري نه سپموي

د کابل پوهنتون د محصلانو اتحاديې رييس نن د اطلاعاتو او فرهنګ وزارت له سرپرست او نوماند وزير محمد طاهر زهير سره په کتنه کې د دغې اتحاديې د موخو او فعاليتونو په اړه معلومات ورکړل.
د باختر آژانس خبریال د خبر له مخې؛ په دې کتنه کې د کابل پوهنتون د محصلانو اتحاديې رييس اميد مهريار په داسې حال کې چې د دغې اتحاديې د مشرتابه پلاوي يوشمېر غړي هم حاضر وو، د یادې اتحاديې د موخو او فعاليتونو په اړه معلومات ورکړل او له دغې اتحاديې سره يې د اطلاعاتو او فرهنګ وزارت د ملاتړ او همکارۍ غوښتنه وکړه. هغه دغه راز د (افغانستان د محصلانو د ملي خبرو او د محصلانو د سراسري اتحاديې د جوړولو پروګرام) په اړوند چې په نږدې راتلونکې کې به په کابل کې جوړ شي، هم توضیحات ورکړل. هغه وويل چې دغه پروګرام به د کابل پوهنتون د محصلانو اتحاديه د اطلاعاتو او فرهنګ وزارت د ځوانانو چارو معينيت په همکارۍ ترسره کړي چې په هغه کې به د هېواد له ټولو ولايتونو څخه د پوهنتونونو او د دولتي لوړو زده کړو موسسو د محصلانو استازي ګډون وکړي.
د کابل پوهنتون د محصلانو اتحاديې رييس څرګنده کړه چې په دغه پروګرام کې به د محصلانو استازي د سولې په بهير کې د محصلانو د دريځ او رول، د محصلانو د سراسري اتحاديې د جوړولو، د پوهنتونونو او د هېواد د لوړو زده کړو په نظام کې د محصلانو د ستونزو په اړوند خپلې نظريې، پيشنهادونه او طرحې وړاندې کړې.
د اطلاعاتو او فرهنګ وزارت سرپرست څرګنده کړه: په هېواد کې فرهنګ ته څرنګه چې بايد پاملرنه وشي، پاملرنه نه ده شوې، په داسې حال کې چې فرهنګ بايد د کار په لومړيتوب کې وي. دغه راز د اطلاعاتو او فرهنګ وزارت سرپرست د کابل پوهنتون د محصلانو اتحاديې مشرتابه پلاوي ته د دغه وزارت د همکارۍ ډاد ورکړ او ويې ويل چې دغه وزارت په بېلابېلو برخو کې له ځوانانو او په تېره بيا محصلانو سره هېڅ راز همکاري نه سپموي.
کابل / د لړم ٢۷مه / باختر

تازه خبرونه

یکشنبه ۱۳۹۹/۹/۲ - ۱۴:۵۲
Background image

محمد طاهر زهير او د «دافا» موسسې رييس د کابل بالا حصار د لرغونپېژندنې د کيندنو او تحقيقاتو پروژې هوکړه ليک لاسليک کړ

د اطلاعاتو او فرهنګ وزارت سرپرست او نوماند وزير محمد طاهر زهير او د “دافا” موسسې رييس د کابل بالا حصار د لرغونپېژندنې د کيندنو او تحقيقاتو پروژې هوکړه ليک لاسليک کړ.
د باختر آژانس د. . .

یکشنبه ۱۳۹۹/۹/۲ - ۱۴:۴۱
Background image

محمد طاهر زهير د لاجورد فلم ملي جشن د پرانیستلو په مراسمو کې: سینما کولاى شي فرهنګ تبلیغ او جوړ کړي او بايد په دې برخه کې پانګونه وشي

د اطلاعاتو او فرهنګ وزارت د سرپرست او نوماند وزير محمد طاهر زهير په ګډون پرون د لاجورد فلم ملي جشن په کابل کې د روسيې د علم او فرهنګ خونې په تالار کې پرانیستل شو.
د باختر آژانس خبريال د. . .

یکشنبه ۱۳۹۹/۹/۲ - ۱۱:۳۱
Background image

د اطلاعاتو او فرهنګ وزارت د محمد الیاس داعي یادغونډه جوړوي

د اطلاعاتو او فرهنګ وزارت د خبریال محمد الیاس داعي یاد غونډه په نږدې ورځو کې په کابل کې جوړوي.
د باختر آژانس خبریال د خبر له مخې؛ په هغې غونډه کې چې نن د اطلاعاتو او فرهنګ وزارت د هنر. . .

BACK TO NEWS