لوګر کې یوه لرغونې آبده او دوه لرغونې کلاوې کشف او ثبت شوې
د لوګر د اطلاعاتو او کلتور ریاست مسؤلین وایي، چې د خروار ولسوالۍ اړوند د ګرند غونډۍ په سیمه کې یې د ملا ایاز په نوم یوه لرغونې آبده او همدارنګه په محمدآغې او خوښۍ ولسوالیو کې یې دوه لرغونې کلاوې کشف او ثبت کړې دي.
د مسؤلینو په وینا دغه لرغونې آبده او لرغونې کلاوې د لومړنیو څېړنو له مخې سلګونه کلونه تاریخي مخینه لري.
د یادونې وړ ده، چې په همدې څېړنیزې لړۍ کې د اطلاعاتو او کلتور وزارت اړوند د لرغونپېژندنې ریاست د لرغونپوهانو په همکارۍ د یادې آبدې او تاریخي کلاوو ترڅنګ ۲۷ نورې لرغونې سیمې هم کشف شوې دي.
۱۴۴۷/۸/۲ هـ ق
