لوګر کې د هېواد په کچه د نوموتي انقلابي شاعر مرحوم ګوهري په نوم ادبي بهیر پرانیستل شو

د لوګر ولايت د اطلاعاتو او کلتور ریاست له لوري د هېواد په کچه د نوموتي انقلابی شاعر مرحوم ملادرمحمد ګوهري په نوم ادبي بهیر د پرانیستلو ترڅنګ ماښامنۍ مشاعره هم ترسره شوه.
د اطلاعاتو او کلتور رئیس دوکتور رفیع الله صمیم د یاد بهیر د پرانېستلو او مشاعرې څخه موخه د شاعرانو د ادبي تندې خړوبول وبلل او ډاډ یې ورکړ، چې د دغه ادارې ټول امکانات د شاعرانو په خدمت کې دي، ترڅو په دومداره توګه د بهیر له لارې ناستې او مشاعرې ترسره کړي.
همداراز ښاغلي صمیم؛ مرحوم ملادرمحمد ګوهري د دوو انقلابونو مخکښ انقلابي شاعر وباله او د شعر او قلم له لارې يې د امریکایي اشغال پروړاندې د نوموړي خدمتونه، نه هېرېدونکي یاد کړل.
د مشاعرې په لړ کې شاعرانو او د ترنم بلبلانو په وار سره بېلابېلو برخو کې خپل ترتیب کړي اشعار او ترنمونه له ګډونوالو سره شریک کړل.
د یادونې وړ ده، چې تر دې وړاندې هم د سنځل ګل کلنۍ دودیزې مشاعرې ترڅنګ نورې ادبي ناستې او مشاعرې د دې ریاست په انګړ کې جوړې شوي دي.

۱۴۴۶/۵/۲۶ هـ ق
۱۴۰۳/۹/۸ هـ ل