لغمان کې د عامه کتابتون او بي بي صاحبې زیارت څخه څارنه وشوه
د لغمان اطلاعاتو او کلتور رئیس مولوي عبدالنور رسولي، د فرهنګ او ګرځندوی آمر د قرغیو ولسوالۍ د عامه کتابتون او د بي بي صاحبې لرغوني زیارت څخه څارنه وشوه.
د لغمان د اطلاعاتو او کلتور رئیس مولوي عبدالنور رسولي وویل: د دغه لرغوني زیارت په څېر دغه ولسوالۍ کې ډېری لرغونې سیمې او تاریخي ځایونه شتون لري موږ د دغه لرغونو سیمو او تاریخي زیارتونو څخه په ښه توګه څارنه او ساتنه کوو، چاته اجازه نه ورکوو چې تخریب یا زیان ورته ورسوي.
همدا راز ښاغلي رسولي د دغه ولسوالۍ عامه کتابتون څخه هم لیدنه وکړه او زیاته یې کړه، چې خوشبختانه د اطلاعاتو او کلتور وزارت ډاډ راکړی دی چې د قرغیو ولسوالۍ عامه کتابتون لپاره معیاري تعمیر جوړول به سږ کال پراختیايي بودیجه کې شامل کړو.
د یادونې وړ ده چې د بي بي صاحبې زیارت سلګونه کاله تاریخي مخینه لري او د قرغیو ولسوالۍ اړوند چهار باغ بازار ته څېرمه موقعیت لري.
۱۴۴۶/۱۰/۲۴ ه. ق
