لغمان اطلاعاتو او فرهنګ ریاست له لوري د نیالګیو کینولو کمپاین پیل شو

 یاد کمپاین نن چهار شنبه د لغمان اطلاعاتو او فرهنګ ریاست، د ځوانانو مدیریت له لوري، د رضا کاره ځوانانو او ورزش کارانو په هڅو د اطلاعاتو او فرهنګ ریاست مخ ته د یوشمېر نیالګیو په کېنولو سره پیل شو او د همدې ځوانانو په مټ به تر نږدې کلیو او لرې پرتو سیمو ورسیږي.
د اطلاعاتو او فرهنګ رئیس مولوي عبدالنور رسولي وویل: لغمان کې هوا ښه شوې ده، د نیالګیو د کرلو وخت دی، نو په همدې خاطر دوی یاد کمپاین د رضاکارو ځوانانو، ورزش کارانو او د یاد ریاست کارکوونکو پرمټ پیل کړ، ترڅو هر شخص یو نیالګی د ځان لپاره او یو نیالګی د هېواد د زرغونتيا لپاره کېنوي.
نوموړی وایي: له دغې کړنې څخه مو هدف د وطن ښکلا، زرغونتیا او آبادي ده.
د یادونې وړ ده چې د یاد ریاست له لوري پر رضاکارو ځوانانو هم یوشمېر نیالګي ووېشل شول، ترڅو یې په خپلو نهادونو او اړوندو سیمو کې کینوي او څارنه او پالنه یې وکړي.
۱۴۴۴/۷/۱۷ ه،ق
 ۱۴۰۱/۱۱/۱۹ه،ش
۲۰۲۳/۲/۸ م