لسګونه تنو ځوانانو ته د کمپیوتر او انګلیسي ژبې برخو کې په وړيا ډول د زده کړو زمینه برابره شوه
په کندوز ولايت کې د اطلاعاتو او کلتور ریاست د ځوانانو چارو امريت له لوي د ځوانانو په ښوونیز او روزنیز مرکز کې لسګونه تنه ځوانانو ته د انګليسي او کمپیوټر په برخو کې درې میاشتنی ژمنی کورس پیل شو.
د ځوانانو چارو آمر قاري داد محمد منصور وویل: په دې ژمني کورس کې به شاوخوا ۸۰ تنه ځوانان په وړيا ډول زده کړې کوي، ترڅو په یادو برخو کې خپله علمي کچه لوړه کړي او راتلونکي کې ټولنې ته د خدمت جوګه شي.
ښاغلي منصور زياته کړه؛ د اطلاعاتو او کلتور ریاست د ځوانانو چارو امريت نه یوازې ځوانانو لپاره د ښونیز او روزنيز مرکز په نوم یو تعلیمي چاپېریال رامنځته کړی، بلکې د ګڼو رسمي هوکړه لیکونو پر بنسټ يې یو شمېر خصوصي کورسونو ته لسګونه تنه بې وزله ځوانان هم ورپېژندلي دي.
د یو بل خبر له مخې، د اطلاعاتو او کلتور ریاست د ځوانانو چارو آمر قاري داد محمد منصور د ګلکسي ټافل (کهکشان موفقیت) په نوم له یو خصوصي کورس سره هوکړه ليک لاسليک کړ، چې د دغه هوکړه ليک له مخې به بې وزله ځوانان په تخفیف سره د زده کړو کولو په موخه یاد کورس ته ورپېژندل کېږي.
۱۴۴۶/۶/۱۴ هـ ق
۱۴۰۳/۹/۲۶ هـ ب
