طاهر زهير: خبريالانو ته د عدالت غوښتنې لپاره له حقوقي ، ديپلوماتيکو او نړيوالو لارو چارو کار اخلو

farzad_moicgovaf
پنجشنبه ۱۳۹۹/۱۰/۱۸ - ۱۴:۴۲
طاهر زهير: خبريالانو ته د عدالت غوښتنې لپاره له حقوقي ، ديپلوماتيکو او نړيوالو لارو چارو  کار اخلو

د رسنيو او د خبريالانو د ملاتړ بنسټونو يو شمېر مسوولينو نن د اطلاعاتو او فرهنګ وزارت  له سرپرست سره په کتنه کې د خبريالانو او د مدني فعالانو د هدفي  وژنوله امله د انديښنې په څرګندولو سره  د دغه شان پېښو د مخنيوي او د خبريالانو د امنيت د تامينولو د لارو چارو په اړه خبرې وکړې .

د باختر اژانس د خبرله مخې؛  هغوى  د دې ترڅنګ چې  د دغه شان پېښو له امله  يې خپلې انديښنې څرګندې کړې د هغوی د مخنيوي د لارو چارو په اړه يې خبرې وکړې.

هغوى ټينګار وکړ  د خبريالانو او د رسنيو  ملاتړ د اطلاعاتو او فرهنګ وزارت  له دندو او هدفونو څخه دي بايد دغې مسئلې ته جدي پاملرنه وشي او دغه راز  د افغانستان د دولت او د طالبانو د ډلې د هيئتونو ترمنځ د سولې په خبرو  کې په هماغه اندازه چې  د اوربند په اړه خبرې کېږي بايد د خبريالانو د هدفي اوځنځيري  وژنو په اړوند هم خبرې وشي  او د دغه شان جنايتونوعوامل  څرګند شي او د دغه راز  ترورونو د مخنيوي لارې چارې ولټول شي .

هغوى دغه راز د اطلاعاتو او فرهنګ وزارت له سرپرست څخه وغوښتل چې د اطلاعاتو او فرهنګ وزارت او د رسنيزو بنسټونو ترمنځ د همغږى  مرکز جوړ شي.

په دې کتنه کې  د اطلاعاتو او فرهنګ وزارت د خپرونو چارو معين عبدالمنان شيواي شرق د وړاندې شويو پيشنهادونو او طرحو په اړه  هر اړخيزې خبرې وکړې او  ويې ويل دغه وزارت  په دې لاره کې  اغيزمن ګامونه  اخستي دي چې ډير ژر به د هېواد له رسنيو سره شريک شي.

د اطلاعاتو او فرهنګ وزارت سرپرست   محمد طاهر زهير هغوى  ته ډاډ ورکړ چې زموږ ذهن د هېواد پر اوسنيو حالاتو اوهغو چلنجونو متمرکز دى  چې په هېواد کې د خبريالانو پرخلاف شتون لري.

هغه وويل هلې ځلې کوو چې له حقوقي ، ديپلوماتيکو او نړيوالو لارو او امکاناتو ګټه واخلو او د خبربالانو لپاره عدالت وغواړو او ډير ژر په همدې مقصد د نړيوالو بنسټونو د مسوولينو ، ديپلوماتانو، رسنيو او د خبريالانو د ملاتړ بنسټونو د مسوولينوپه ګډون به  غونډه جوړه کړو.

د اطلاعاتو او فرهنګ وزارت سرپرست  څرګنده کړه چې دغه وزارت  د رسنيو قوت او  ملاتړ ته اړتيا لري  او هر څومره چې د اطلاعاتو او فرهنګ وزارت پتمن وي  په هماغه اندازه  به د هېواد رسنى  پتمنې  او باعزته  وي.

کا بل/ د مرغومي ١٨مه/ باختر

تازه خبرونه

شنبه ۱۳۹۹/۱۰/۲۷ - ۱۰:۲۳
Background image

محمد طاهر زهير: ټول بايد د هوا د ککړتيا پرخلاف مبارزه کې ونډه واخلي

د اطلاعاتو او فرهنګ وزارت سرپرست محمد طاهر زهير نن د ( په کابل ښار کې د هوا د ککړتيا پر خلاف مبارزه کې د خبريالانو، فرهنګيانو او ښاريانو رول) په اړوند جوړ شوي پروګرام کې وويل: په کابل. . .

دوشنبه ۱۳۹۹/۱۰/۲۲ - ۱۵:۱۳
Background image

دردې که انتها نداشت شعري ټولګه پرانستل شوه

د سيد عبدالعظيم موسويان شعري ټولګه (دردې که انتها نداشت) اثر د باميانو په مرکز کې کره کتنه او پرانستل شوه.
د باختر اژانس د خبرله مخې؛ په هغې غونډه کې چې په باميانو ښار کې په همدې مناسبت. . .

دوشنبه ۱۳۹۹/۱۰/۲۲ - ۱۵:۸
Background image

په لغمان کې په تحقیقي ژورنالیزم پورې اړوند د ظرفیت لوړولو ورکشاپ پای ته ورسېد

په لغمان کې په تحقیقي ژورنالیزم پورې اړوند د ظرفیت لوړولو دوه ورځنی ورکشاپ پرون پای ته ورسېد.
د باختر آژانس د سیمه ییز خبریال د خبر له مخې؛ دغه ورکشاپ چې (ګهیځ د لیکوالو او ژورنالیستانو. . .

BACK TO NEWS