سمنګان ولايت کې له ۵۰۰ تنو څخه د انګليسي ژبې او کمپيوټر ازموینه واخستل شوه
یکشنبه (۲۶ د شوال المکرم ۱۴۴۵) د سمنګان ولايت داطلاعاتو او فرهنګ رياست د ځوانانو چارو آمريت له لوري د اکټېډ موسسې په همکارۍ له ۵۰۰ تنه ځوانانو څخه د انګليسي ژبې، کمپيوټر، محاسبې او تجارت برخه کې انلاين ازموينه واخستل شوه.
د يادې ازموينې اخستو پرمهال د اطلاعاتو او فرهنګ رياست رئيس مولوي فیروز الدين منيب، د ځوانانو چارو آمر صبغت الله زرقاوي او د اکټېډ موسسې مسؤلينو شتون درلود.
د اکټېډ موسسې د ځوانانو د سوداګريزو استعدادونو او مهارتونو د پراختيا مسؤل ضیاء الرحمن شرقي زاده وويل: اکټېډ موسسې د ځوانانو چارو آمريت سره په همغږۍ له ۵۰۰ تنو ځوانانو څخه د انګليسي ژبې، کمپيوټر، محاسبې او تجارت په برخه کې انلاين ازموينه واخیسته، چې له دې جملې څخه به ۲۵۶ تنه د شپږو مياشتو لپاره په يادو برخو کې زده کړې وکړي.
۱۴۰۳/۲/۱۶ هـ ل
۲۰۲۴/۵/۵ میلادي
