سرپل کې له خبريالانو او د رسنيو له مسؤلينو سره د همغږۍ ناسته ترسره شوه
پنجشنبه (۲۳ د شوال المکرم ۱۴۴۵) د سرپل ولايت د اطلاعاتو او فرهنګ رئيس ملا عبدالغفار حقنما په مشرۍ ددې ولايت له خبريالانو او د رسنیو له مسؤلينو سره د همږۍ ناسته ترسره شوه.
د اطلاعاتو او فرهنګ رئيس ملا عبدالغفار حقنما د رسنيو او د اطلاعاتو و فرهنګ رياست په همغږۍ ټينګار وکړ او ويې ويل: رسنۍ باید خبرونه او راپورونه په بې طرفه ډول نشر کړي او پر وخت دې خپل د فعاليت جوازونه تمديد کړي.
د اطلاعاتو آمر ایام الدين يولداش ددې ناستې موخه د اطلاعاتو او فرهنګ رياست او رسنيو ترمنځ د دوستۍ، صميميت فضا رامنځته کول او د همکارۍ د روحيې تقويه کول ياد کړل.
د يادونې وړ ده چې د سرپل ولايت د اطلاعاتو او فرهنګ رياست ځوانانو ته د زده کړو کولو د زمينې برابرولو په موخه له دريو ښوونيزو مرکزونو سره د همکارۍ تړون لاسليک کړ، چې ددې تړون له مخې به بې وزله ځوانان په فيس کې د تخفيف په ورکولو سره خپلو زده کړو ته ادامه ورکوي.
۲۰۲۴/۵/۲ میلادي
۱۴۰۳/۲/۱۳ هـ ل
