راډيو د اصلاح او پيغام رسولو غوره وسيله ده
پورتنۍ څرګندونې تېره ورځ د اطلاعاتو او کلتور وزارت د ځوانانو چارو معین قاري محمد یونس راشد خوست ولايت ته د خپل سفر په ترڅ کې د هوا راډیويي شبکې لخوا د راډيويي ښوونځۍ او راډيويي انګليسي خپرونو ممتازو زده کوونکو ته د ډالیو او جايزو وېش په غونډه کې وکړې.
ښاغلي راشد په خپلو خبرو کې وویل، که موږ د رسنيو څخه سالمه استفاده وکړو، نو زموږ يو تن ژورناليست د ډېرو امامانو او خطيبانو په ډول د پيغام رسولو دنده ترسره کولای شي، دا ځکه چې د خطيب او امام د نصيحت اثر يوازې د مجلس په حاضرينو باندې وي، مګر د راډيو او ژورناليست غږ تر هر کور او هرې حجرې، نارينه او ښځینه تر غوږونو پورې رسېږي.
۱۴۴۵/۱/۱۱ هـ ق
۱۴۰۲/۵/۶ هـ ش
