د کڼو ماشومانو د انځورګرۍ د آثارو نندارتون جوړ شو
د کڼو ماشومانو د انځورګرۍ د آثارو نندارتون نن د اطلاعاتو او فرهنګ وزارت د فرهنګ اوهنر د معين پوهاند محمد رسول باوري په واسطه په ملي نګارستان کې پرانېستل شو .
د باختراژانس د خبريال د خبرله مخې، په دې نندارتون کې د کڼو ماشومانو څلوېښت انځورګري شوي آثار نندارې ته وړاندې شوې دي .
دغه نندارتون له استثنايي ماشومانو سره د ملاتړ بنسټ له لوري د اطلاعاتو او فرهنګ وزارت په همکارۍ جوړ شوى دى .
پوهاند باوري د دغه نندارتون د پرانېستلو په مراسمو کې خبرې وکړې او ويې ويل چې د هنرمندانو هڅونه او ملاتړ د اطلاعاتو او فرهنګ وزارت له دندو څخه دي.
هغه له هنرزيږونکو ماشومانو څخه وغوښتل چې خپلې ستونزې د اطلاعاتو او فرهنګ له وزارت سره طرحه کړي، څو د توان تر پولې پورې ورته رسيدګي وشي.
په همدې حال کې له استثنايي ماشومانو سره د ملاتړد بنسټ مرستيالې حاليې يوسفي د نندارتون اود دغه بنسټ د کړنو په باب اوږدې خبرې وکړې