د کتاب ارزونې کميسيون نوبتي غونډه وشوه
دوشنبه (۱۰ د رمضان المبارک ۱۴۴۶) د اطلاعاتو او کلتور وزارت د خپرونو چارو معينيت کې د ياد معينيت د معين مهاجر فراهي په مشرۍ د کتاب ارزونې کميسيون نوبتي غونډه وشوه.
یاده غونډه کې د خپرونو چارو معين مهاجر فراهي، د باختر خبري آژانس رئيس مولوي ضیاءالحق حقمل، د کاپي رايټ آمر مولوي عبدالحق حماد او د کميسيون نورو غړو ګډون کړی وو.
د غونډې په پيل کې د ياد کميسيون منشي د تيرې غونډې په اړه جوړ شوی راپور له ګډونوالو سره شريک کړ.
ورپسې ښاغلي مهاجر فراهي د کمیسیون د لاسته راوړنو او فعاليتونو په اړه خبرې وکړې او د کميسيون فعاليتونه يې مثبت ارزيابي کړل.
د غونډې په ترڅ کې د کميسيون غړو د ورسپارل شويو کتابونو په اړه خپل ګزارشونه وړاندې کړل، چې په اړه يې لازمې پرېکړې وشوې او د کميسيون په غړو هغه کتابونه وويشل شول، چې دې کميسيون ته د ارزيابۍ په موخه راجع شوي وو، تر څو راتلونکې غونډې ته يې راپور وړاندې کړي.
په پای کې د کميسيون منشي د راتلونکي غونډې په اړه توضيحات ورکړل.
۱۴۰۳/۱۲/۲۰ ل
۲۰۲۵/۳/۱۰ ز
