د کتابتونونو وده او پراختیا مو کاري لومړيتوب دی
د جوزجان ولايت د اطلاعاتو او کلتور رياست رئيس مولوي سیف الدين معتصم آقچې ولسوالۍ ته د سفر پرمهال له عامه کتابتون څخه د ليدنې او څارنې په ترڅ کې وويل: د کتابتونونو وده او پراختیا مو کاري لومړيتوب دی.
ښاغلي معتصم زياته کړه؛ د آقچې ولسوالۍ د عامه کتابتون د کتاب لوستنې مینوالو ته ټول لازم سهولتونه برابر شوي دي، دا کتابتون هره ورځ د کتاب لوستونکو پرمخ پرانستی دی، دا مهال په جوزجان ولايت کې ۵ عامه دولتي کتابتونونه فعال دي، چې هره ورځ ورته سلګونه ځوانان د مطالعې په موخه مراجعه کوي، د اطلاعاتو او کلتور رياست هڅه کوي، ياد کتابتونونه نور هم غني کړي.
د آقچې ولسوالۍ د عامه کتابتون مدير غلام نبي سخي زاده د کتابتون اړوند يو لړ ستونزې او اړتياوې د اطلاعاتو او کلتور رياست له رئيس سره شريکې کړې، چې د مولوي معتصم له لوري يې د حل کولو ډاډ ورکړل شو.
۱۴۴۶/۲/۲۴ هـ ق
۱۴۰۳/۶/۷ هـ ل
