د ښوونيزو او خصوصي روغتيايي بنسټونو سره د همکاريو هوکړهليکونه لاسليک شول
د کاپيسا د اطلاعاتو او کلتور رياست له لوري د دغه رياست له يو شمېر ښوونيزو او خصوصي روغتيايي بنسټونو سره د بېوزله ځوانانو د لاسنیوي په موخه د همکاريو هوکړهليکونه لاسليک شول، ترڅو بېوزله ځوانانو ته د خدماتو په وړاندې کولو کې ۵۰ سلنه تخفيف برابر شي.
د اطلاعاتو او کلتور رئيس مولوي کريم الله وثيق د خصوصي بنسټونو ونډه د ټولنې د خدمت په برخه کې ارزښتناکه وبلله او ويې ويل: دغه رياست ژمن دی چې د مؤثرو همکاريو د پراخولو له لارې بېوزله ځوانانو ته د زده کړې او روغتيايي خدمتونو په برخه کې اسانتياوي برابرې کړي.
نوموړي زياته کړه؛ دغه هوکړهليکونه د ياد رياست د ملاتړ کوونکو پروګرامونو يوه برخه ده، چې موخه يې د بېوزله ځوانانو لپاره د زدهکړې وده او روغتيايي خدمتونو ته لاسرسی دی.
د یادونې وړ ده، هغه ځوانان د ۵۰ سلنه تخفيف مستحق دي چې د ځوانانو چارو امريت له لورې يادو بنسټونو ته ور پېژندل کېږي.
۱۴۴۶/۱۱/۱۵ ھـ. ق
