د ځوانانو ملي خبرې اترې

moic_admin
سه‌شنبه ۱۳۹۸/۶/۵ - ۱۳:۲۸
د ځوانانو ملي خبرې اترې

د هېواد د خپلواکۍ د سلمې کاليزې په باره کې د ځوانانو ملي خبرې اترې نن د هېواد     له ګوټ ګوټ څخه د ٢٠٠ ځوانانو په شتون ترسره شوې.
د باختر آژانس د خبرله مخې: په دغو خبرو اتروکې ځوانان د خپلواکۍ د سفيرانو په نامه راټول شول او د خپلواکۍ د ارزښت د څرنګوالي او د شاه امان الله خان د کارنامو په اړوند يې خبرې وکړې.
د اطلاعاتو او فرهنګ وزارت د ځوانانو چارو معين محمد اجمل شاهپور په دغه پروګرام کې وويل چې شاه امان الله خان په خپله زمانه کې زيات اصلاحي اقدامات ترسره کړل چې د سيمې هېوادونه د هغه په الهام سره خپلواکۍ ته ورسېدل.
د هغه د څرګندونو له مخې: نننى ځوان نسل له هغو ګواښونو سره مخ دى چې شاه امان الله خان ورسره مخ و او دغه غونډه کولاى شي له موجودو ستونزو سره د مقابلې په لاره کې د ځوانانو د سترملي محور د رامنځته کولو لپاره زمينه برابره کړي.
په ټولنيزو چاروکې د جمهور رييس سلاکارعبدالرشيد، دغه غونډه د ځوانانو د افکارو د تبادلي لپاره مهمه وبلله او ويې ويل چې د خپلواکۍ د سفيرانو په توګه د هېواد له ٣٤ ولايتونو څخه د ٢٠٠ ځوانانو ګډون د ځوانانو د راتلوونکو خبرو او د ګډ نظر د رامنځته کولو لپاره زمينه برابروي.
له غزني ولايت څخه د دې غوندې يوې برخه والې کاملې سعادت وويل چې د امنيت نشتوالى د ښځو د لارې پرسر يوه پرته ستونزه او خنډ دى.
هغې له حکومت څخه وغوښتل چې د رهبرۍ په کچه دې د ښځو شتون زيات کړي.
د غونډې بل برخه وال همايون کوچي، د سولې تامين د ځوانانو يوه اصلي غوښتنه وبلله او د دولت له وسله والو مخالفينو څخه يې وغوښتل چې په هېواد کې د سولې د ټينګښت لپاره د افغانانو ترمنځ له سولې خبرو سره يوځاى شي.
دغه پروګرام د دوو ورځو لپاره جوړ شوى او سبا هم دوام مومي.

تازه خبرونه

شنبه ۱۳۹۸/۱۲/۳ - ۱۴:۵۸
Background image

عبدالمنان شېواى شرق د هېواد د رسنيو له مشرانو سره پېژندګلويزه او مشورتي غونډه وکړه

د اطلاعاتو او فرهنګ وزارت د خپرونو چارو معين عبدالمنان شېواى شرق د رسنيو او خپرونو له بېلابېلو بنسټونو سره د غونډو په دوام، پرون د هېواد د رسنيو له مشرانو سره د کابل په پارک سټار هوټل. . .

یکشنبه ۱۳۹۸/۱۱/۲۷ - ۹:۳۵
Background image

پوهاند محمد رسول باوري د لغمان د اطلاعاتو او فرهنګ رياست کړنې وستایلې


د اطلاعاتو او فرهنګ وزارت د فرهنګ او هنر معين پوهاند محمد رسول باوري د هېواد ختیځ ته په سفرکې چې د اطلاعاتو او فرهنګ وزارت د يو شمېر رياستونو او د هېواد د ټولو ولايتونو د اطلاعاتو او. . .

پنجشنبه ۱۳۹۸/۱۱/۲۴ - ۱۰:۵۲
Background image

عبدالمنان شيواي شرق : دچاپي خپرونو ښه والى په لومړيتوب کې دى


داطلاعاتواوفرهنګ وزارت دخپرونو دچارو معين عبدالمنان شيواي شرق نن  دکتاب چاپولو اتحاديې له غړو سره  په کتنه کې  وويل :په چاپي خپرونو په تېره بيا په کتاب چاپولو کې ښه والى  په لومړيتوب. . .

BACK TO NEWS